កម្លាំងនគរបាលព្រហ្មទណ្ឌកំរិតស្រាលរាជធានីភ្នំពេញ បញ្ជូនជនសង្ស័យ៣នាក់ ទៅតុលាការ
06-May-2019 | ដោយ ពលមនសិការ
ភ្នំពេញ៖ កាលពីនៅថ្ងៃទី០៣ ខែឧសភា ឆ្នាំ២០១៩ វេលាម៉ោង០៩និង២០នាទី កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញស្រាវជ្រាវ ឃាត់ខ្លួនបានជនសង្ស័យចំនួន ០៣នាក់ នៅចំណុចផ្ទះជួលគ្មានលេខ ស្ថិតនៅខាងកើតប្រឡាយទឹកស្អុយស្ទឹងមានជ័យ ផ្លូវបេតុង ក្រុម១ ភូមិ៥ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ពាក់ពន្ធ័ប្រព្រឹត្តបទល្មើស អំពើលួចមានស្ថានទម្ងន់ទោស ដោយសារការគាស់ទម្លុះទម្លាយ (គាស់ផ្ទះ) នៅចំណុចផ្ទះលេខ២៤បេ ផ្លូវលេខ ៣៦២ ក្រុម១៥ ភូមិ៥ សង្កាត់បឹងសាឡាង ខណ្ឌទួលគោក រាជធានីភ្នំពេញ កាលពីថ្ងៃទី១៥ ខែមេសា ឆ្នាំ ២០១៩ វេលាម៉ោង២៣និង៣០នាទី។
លោកវរសេនីយ៍ឯក ប៊ុន សត្យា នាយការិយាល័យព្រហ្មទណ្ឌកំរិតស្រាលរាជធានីភ្នំពេញបានឲ្យដឹងថាជនសង្ស័យទី១-ឈ្មោះ អាន ច័ន្ទរិទ្ធ ហៅញ៉ាញ់ ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅស្នាក់នៅផ្ទះលេខ២៥បេ ផ្លូវលេខ៣៦២ ភូមិ៥ សង្កាត់បឹងសាឡាង ខណ្ឌទួលគោក រាជធានីភ្នំពេញ ទី២-ឈ្មោះ ស្រេង ច្រិល ភេទប្រុស អាយុ៣៨ឆ្នាំ ជនជាតិខ្មែរ មានទីលំនៅស្នាក់នៅផ្ទះមិនចាំលេខ ផ្លូវលំ ភូមិ៥ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ និងទី៣-ឈ្មោះ ថា វង្ស ភេទប្រុស អាយុ៣៦ឆ្នាំ ជនជាតិខ្មែរ មុខរបររើសអេតចាយ ស្នាក់នៅផ្ទះជួលគ្មានលេខ ផ្លូវBT សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។
ជនរងគ្រោះឈ្មោះ ចាន់ ដារ៉ា ហៅជើម ភេ ប្រុស អាយុ៣៥ឆ្នាំ ជនជាតិខ្មែរ មុខរបរលក់ដូរមានទីលំនៅផ្ទះលេខ២៤បេ ផ្លូវលេខ៣៦២ ក្រុម១៥ ភូមិ៥ សង្កាត់បឹងសាឡាង ខណ្ឌទួលគោក រាជធានីភ្នំពេញ។
សម្ភារៈបាត់បង់ៈ ម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៨ លេខតួ-លេខម៉ាស៊ីន ៥២៨៧២១៦ ពាក់ស្លាកលេខភ្នំពេញ 1HC-4713, ម៉ូតូម៉ាកហុងដាធូដេ ពណ៌ក្រហម លេខតួ ១៥៣១៥៤៧ លេខម៉ាស៊ីន ១១៣៧១៨៦ ពាក់ស្លាកលេខភ្នំពេញ1CV-4104, ម៉ាស៊ីនបោកគក់ម៉ាកសាំសុង ចំនួន០១, ម៉ាស៊ីនភ្លើងមិនចាំម៉ាក ចំនួន ០១ គ្រឿង, ទូរទស្សន៍ម៉ាកLG ទំហំ៤៣អ៊ីង ចំនួន ០១គ្រឿង និងម៉ាកសាំសុង ទំហំ ៣៣អ៊ីង ចំនួន០១គ្រឿង។
បច្ចុប្បន្នជនសង្ស័យខាងលើ ការិយាល័យកសាងសុំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ4511
- ម្សិលមិញ6261
- សប្តាហ៍នេះ22891
- ខែនេះ138041
- ឆ្នាំនេះ138041
- សរុប20580497